ఇక మన దేశంలో ఎన్నికలు ముంచుకొస్తుండటంతో ఆటగాళ్ళకి రక్షణ కల్పించలేమని రాష్ట్ర ప్రభుత్వాలు, కేంద్ర ప్రభుత్వం తేల్చి చెప్పేసాయి. ఇలాంటి పరిస్థితి వస్తుందని  ముందే ఊహించామని చెప్తున్న బి.సి.సి.ఐ. అందుకు తగిన చర్యలు ముందే చేపట్టుంటే బహుశా భారత్లోనే పోటీ నిర్వహించగలిగే అవకాశం దొరికుండేది. ఇప్పుడు క్రికెట్ విందులేక మాడిపోయేది భారత ప్రేక్షకులే.

ఇటువంటి క్లిష్ట పరిస్థితుల్లో నన్ను కాపాడుతుందని  పాడుకుంటున్నా…..

కొచ్చి లోని సిటి బస్సుల గురించి ఇక్కడ రెండు ముక్కలు చెప్పితీరవలసిందే. ఏ బస్సు ఎక్కడికి వెళ్తుందో, ఆ పరమేశ్వరుడు కూడా చెప్పలేడు ఒకవేళ ఆయనకు కూడా నా లాగా మళయాళం చదవడం రాకపొతే. బస్సులు వెళ్ళే జాగాల పేర్లు ఇక్కడి బాషలో తప్ప వేరే బషలో రాయమని కంకణం తో పాటు  ఎర్ర లుంగీ కూడా కట్టుకు కూర్చున్నారు మళయాళీ చేటలు. నా మట్టుకైతే ఈ సమస్యకి కొన్ని కిటుకులు ఆలోచించి పెట్టుకున్నా. నేను తరుచూ వెళ్ళే ప్రదేశాల పేర్ల మళయాళీ అక్షరాలను బట్టీ పట్టేశా. మరింకేం వెళ్ళి ఆ తెలుగు మిత్రులకి వాళ్ళ బస్సు చూపించేశా. ఏదో గొప్ప పని చేసినంత ఆనందం కలిగింది.  

ఇంతలో నా బస్సు వచ్చింది. ఎక్కి కూర్చున్నా….కొంచెంసేపయ్యాక మళ్ళీ లీలగా తెలిసిన భాష వినబడుతోంది. ఈ సారి కన్నడిగుల వంతు. వీళ్ళదీ ఇంచుమించు అదే సమస్య. ఎక్కడ దిగాలో తెలియట్లేదు వీళ్ళకి. శ్రీ కృష్ణదేవరాయల వారి పౌరుణ్ణి గనక, వీళ్ళకి ఎక్కువ కష్టపడకుండానే వారి గమ్య స్థానం చూపించేశా. కర్ణాటాంధ్రులను ఇలా కలుసుకోవడం ఎంతో బాగుంది.

బ్లాగ్లోకమునకు హృదయపూర్వక సంక్రాంతి శుభాకాంక్షలు

మా బాస్ ని ఎంతో చాకచక్యంగా హేండిల్ చెస్తే ఈ వారం రోజుల శెలవు దొరికింది. మళ్ళీ వాడిని ఎలా ఏమార్చాలో అలోచించుకోవాలి. ఇప్పట్నించి ఆ ప్రయత్నాలు మొదలుపెడితే, మరోసారి శెలవు దొరకడానికి ఇంకో మూడు నెలలు పడుతుంది.

ఈ వారం రోజులు హాయిగా గడచిపోయాయి. ఇంట్లో చక్కగా న్యూ ఇయర్ కి స్వాగతం పలికాను. మిత్రులని కలిశాను. ఆఫీస్ టెన్షన్లను మర్చిపోయాను. అన్నింటికన్నా ముఖ్యంగా కొబ్బరి నూనె వంటలకి చాలా దూరం అయ్యాను.

ఇప్పుడు శెలవులైపోవడంతో మళ్ళీ రోజువారీ పనులు మొదలుపెట్టాలి. నేను చేస్తున్న ప్రాజెక్ట్ ఈ వారంలో మునిగిందో తేలిందో తెలుసుకోవాలి. ఇన్ని రోజులు అదీ ఇటువంటి కష్టకాలంలో శెలవు తీసుకున్నందుకు మా డామేజర్, అదేనండీ మేనేజర్ ఎన్ని రకాల డ్యాన్స్/ కుంగ్ఫూ స్టెప్పులు వేస్తాడో చూడాలి.  ఆ స్టెప్పులన్నీ నేర్చుకుని తిరిగి వాడిమీదే వాటిని ప్రయోగించి “నీవు నేర్పిన విద్యయే నీరజాక్షా” అనాలి. ఐనా ఇటువంటి ఎంటర్టైన్మెంట్ లేకపోతే ఆఫీసు బోర్ కొట్టేస్తుంది. అంతేకదండీ మాష్టారూ……

అంతర్జాలం ఇంట్లో కొలువైనప్పటి నుంచి, చాలా పనులు చేయగలుగుతున్నాను. ఉదాహరణకి, వాగుడుకాయని ఆరంభించడం, అందులో వీలైనప్పుడల్లా నా అలోచనల్ని, అభిప్రాయాల్ని వ్రాయడం….అబ్బో ఇంకా ఎన్నో ఎన్నెన్నో.  

ఈ మధ్య ఒక వారాంతం, కన్యాకుమారికి వెళ్ళా….అక్కడ తీసిన ఫోటోలు ఇవిగో

ఈ వారం నేను చూసిన బొమ్మలు:

• గోల్మాల్: 1979 లో విడుదలైన హాస్యపు బొమ్మ. కానీ నా రూం థియేటర్ లో నిన్నే విడుదలైంది. చూసింతర్వాత ఇన్ని రోజుల వరకు దీని గురించి నాకు ఎందుకు తెలియలేదో అర్థం కావట్లేదు. చాలా రొజుల తర్వాత ఒక మంచి బొమ్మ చూశాననిపించింది. ఆరొగ్యకరమైన హాస్యం అని సినిమా పండితులెప్పుడూ చెప్తుంటారు. ఈ బొమ్మలో అది బహు పుష్కలం.

• క్వాంటం ఆఫ్ సోలేస్: కొచ్చిన్లో చూసిన రెండో బాండ్ బొమ్మ. ఈ బొమ్మ కన్నా ఇంతకుముందు వచ్చిన బాండ్ బొమ్మలే నచ్చాయి. ఈ బొమ్మ అర్థం కావాలంటే దీనికి ముందొచ్చిన కెసీనో రోయాల్ చూడాల్సిందే.

వారాంతాల్లో చేయాలనుకునేవి చాలా ఎక్కువగా, చేయబడేవి చాలా తక్కువగా వుంటాయని సగౌరవంగా మనవి చేసుకుంటున్నాను. కానీ ఈ మధ్య వారాంతాన్ని క్రికెట్ చాలా ఉత్సాహంగా మర్చేస్తోంది. మరి రోజూ పొద్దున్నే ఆడితే ఎలా వుంటుంది చెప్మా. అమ్మో పొద్దున్నే లేవడమా…..నా వల్ల అయ్యేపనేనా????

ట్రింగ్….ట్రింగ్: నేను పొద్దున్నే లేచానా, లేదా, గ్రౌండుకు వెళ్లానా, లేదా అని తెలుసుకోవడానికి ఆత్రుతగా ఉందా….ఐతే చూస్తూనేవుండండి నిరంతర టపా స్రవంతి……ఇదే టపా.

ఇక నా టపా గురించి చెప్పాలంటే, ఇందులో నేను ఇక ముందు చేయబోయే ప్రయాణాలు, నా అనుభవాలు, నా భావాలు అన్ని పెట్టాలనుకుంటున్నా. క్లుప్తంగా చెప్పాలంటే ఇది నా దినచర్య లా ఉండాలని కోరుకుంటున్నా. చిన్నప్పటినించి దినచర్య ఎప్పుడూ రాయలేదు, మరి ఇప్పుడన్నా ఈ విషయంలో నా వైఖిరి మార్చుకోవాలని ఆశిస్తున్నా.

కేరళలో ఉండడంతో తెలుగు చదవడం, రాయడం, మాట్లాడడం బాగా తగ్గిపోయాయి. ఈ టపా వల్ల అవన్నీ అధిగమిస్తానని ఆశిస్తున్నా.

ఇప్పటికింతే సంగతులు